Nado en Londres, Reino Unido (1969), Xosé Manuel Carril Vázquez é licenciado en Dereito (1992), graduado en Dereito (1994), doutor en Dereito (1998) pola Universidade da Coruña (UdC) e Premio Extraordinario de Doutoramento da UdC (1998-1999). Na actualidade, é profesor titular de Dereito do Traballo e da Seguridade Social na Universidade da Coruña, desde 2003. Realizou estadías postdoutorais de investigación en Lovaina (1999-2000) e en Washington, D.C. (2005) e é autor de máis de medio centenar de publicacións en temas da súa especialidade, ademais de ponente comunicante en reunións e congresos nacionais e internacionais sobre Dereito do Traballo e Seguridade Social en Bélxica, Francia, Reino Unido, o Brasil e Portugal, entre outros. Membro do Consello Científico de Revistas Xurídicas, foi secretario xeral da Universidade da Coruña (2006-2010).

Participou como membro nas asembleas constituíntes de Galiza Nova na cidade da Coruña, dos Comites Abertos de Facultade da Universidade da Coruña, do colectivo antimilitarista Galiza Insubmisa e da Comisión pola Recuperación da Memoria Histórica da Comarca da Coruña. Na actualidade, é o candidato do Bloque Nacionalista Galego (BNG) á Alcaldía da Coruña e é membro do Consello Local do BNG.