Son Luis Villares. Nacín en Lugo, en 1978, e alí vivo a día de hoxe.
 
Ata o mes pasado fun maxistrado do Tribunal Superior de Xustiza de Galicia e activista polos dereitos fundamentais das persoas. Decidín presentar a miña candidatura á presidencia da Xunta para representar os valores da confluencia, e para dar un paso adiante por quen o está a pasar peor nestes tempos de inxustiza social, nos que gobernos e administración esquecen o ben común.
 
Non milito en ningún partido. Cando teño tempo, gústame cociñar para as amizades. Toco a gaita e a zanfoña e non canto mal de todo. Quero que a cidadanía galega poida gobernar o seu propio país e resolver os seus problemas.
 
Fuente: www.enmarea.gal